Қаратаудың басынан көш келеді,
Көшкен сайын бір тайлақ бос келеді,
Ел-жұртынан айырылған жаман екен,
Қара көзден мөлтілдеп жас келеді
Мына заман қай заман? Бағы заман,
Баяғыдай болсайшы тағы заман, – деп жырлатқан Қожаберген жырау 1723 жылы Қазақ даласына жасалған Жоңғар шапқыншылығы кезінде ел басына түскен ауыр апатты, яғни «Ақтабан шұбырынды, алқакөл сұлама» кезеңін осылай жыр тіліне көшірген екен.
Бүгінгі күні мектебімізге ардагер-ұстаз, “Ұлттық мүдде” қоғамының мүшесі Қажымұрат Нәсиұлы 9-10 сынып оқушыларымен кездесіп, Қожаберген бабамыздың шығармаларымен таныстырып, мектебімізге кітаптар сыйлады. Мектебіміздегі Қожаберген жыраудың мұражайына кіріп, тілегін естелік кітабына жазып кетті.
Кездесуге “Сенімен болашақ” республикалық қоғамының өңіріміздегі жетекшісі Жанат Мұхамеджанов та қатысып, оқушыларға танымдық сабақ берді.
