Қожаберген жырау атындағы №6 орта мектебінде «Тілге бойлау» республикалық жобасына орай қалалық семинар ұйымдастырылды. Қалалық семинарға қалалық білім бөлімінің әдіскері Темірбаева Гаухар Жұмабековна және қала мектептерінің бастауыш сынып мұғалімдері қатысты. Семинарға қатысушыларды «Тілге бойлау» пилоттық жобасының мақсаты, ақпараттық-түсіндірме жұмыстары жайлы директордың оқу ісі жөніндегі орынбасары Сарсенова Майра Каркеновна таныстырды. 1 “г” сыныбының жетекшісі Баймухамбетова Жұлдызай Қуандыққызы “Тілге бойлау” пилоттық жобасының іске асырылуын өз тәжірибесі негізінде көрсетті. “Тілге бойлау” жобасы аясында 1 “г” сынып оқушыларымен ұйымдастырылған іс-шара олардың тілдік қабілеттерін дамытуға, сөздік қорын байытуға және ана тіліне деген сүйіспеншіліктерін арттыруға бағытталды. Семинарға қатысушылар оқушылардың белсенділігі мен қызығушылығын ерекше атап өтіп, осындай шаралардың маңыздылығын жоғары бағалады. Кішкентай бүлдіршіндер үшін бұл күн тек қызықты ғана емес, пайдалы да болды.
