2023 жылдың қазан айында 9-10 сынып оқушылары арасында төрт номинация бойынша «Менің кіші Отаным» республикалық байқауының қалалық кезеңі өтті. Қожаберген жырау атындағы №6 қазақ орта мектебінің шәкірттері де бақ сынады. «Менің шағын Отанымның тарихы» номинациясы бойынша 10-сынып оқушысы Айтмағамбет Айдана І орынды, «Кіші Отанның символы» номинациясы бойынша 9-сынып оқушысы Нұрбай Абылайхан және «Туған жерім» бойынша 10-сынып оқушысы Туякова Алина ІІ орынды иеленді, ал «Менің кіші Отанымның болашағы» номинациясы бойынша 9-сынып оқушысы Сұлтанғали Бекзат ІІІ орынға ие болды. Оқушыларымызды дайындаған тарих пәнінің мұғалімдері: Ғалия Амангелдіқызы, Назым Сейдахметқызы, Меруерт Серікқызы, Эльмира Темірханқызы және Жания Жұмабекқызы. Бұл байқауда мектебіміздің мерейін өсірген ұстаздарымыз бен шәкірттеріміздің әрдайым қоржыны жүлдеге толуына тілектеспіз
