2023 жылдың 4-23 қыркүйек аралығында “Балдәурен” республикалық оқу-сауықтыру орталығында Мағжан Жұмабаевтың 130 жылдығына арналған “Мен жастарға сенемін!” атты республикалық мәнерлеп оқу байқауы және “Тіл – адаманың ең жақсы тәрбиешісі” атты лингвистикалық жаңалықтар зертханасы қосылған 12-маусым өтуде. Мектебіміздің 7 “Ә” сынып оқушысы Хамзин Асаналиге де өзінің оқудағы және мәнерлеп оқу бойынша жетістіктері үшін осы маусымға қатысу бұйырды. Ауысымның көптеген іс-шаралары танымды әрі қызықты өтуде. «Мен жастарға сенемін» топ визиткасын қорғау кеші әрі қарай «Жастар» тобының танысу кешіне жалғасты. «Talant time» шығармашылық байқауы, «Балдәурен – көп ұлтты» спорттық-танымдық ойыны, «Лингвистика – тіл туралы ғылым» педагогикалық вернисаж, «Dance palette» би марафоны, Мағжан Жұмабаевтың 130 жылдығына арналған әдеби танымдық кеші, «Олимпия» спорттық мерекесі және т.б. шараларда топтың намысын қорғаған Асанали оқушымыздың тобы жүлделі орындарға ие болды.
