14 наурыз – қазақ халқының танымы бойынша көктемнің алғашқы күні. Бұл күннің негізгі ғұрпы – көрісу. Күннің шуағы жерді қыздырып, көктемнің алғашқы гүлі бәйшешек көктеп, жыл құсы «наурызек» көрінеді.
Бұл күні жұрт бір-бірін ұлыстың алғашқы күнімен құттықтап, төс қағыстырып сәлемдесіп, көрісу рәсімін жасайды.
Бүгін мектебімізде “Көрісу күні”, яғни “Амал” мерекесінде қазақтың ұлттық аспабы домбырамен ән шырқалып, шашу шашылды. Мерекеге қатысушылар «Ұлыстың ұлы күні құтты болсын!», «Ақ мол болсын!», «Ұлыс оң болсын!», «Жаңа жыл құтты болсын!» деген жылы сөздермен бір-бірін құттықтады.