2024 жылдың 11 наурызында “Қожаберген жырау атындағы №6 орта мектеп” КММ мұғалімдері педагог қызметкерлерді аттестаттаудың өтпелі кезеңінің ерекшеліктерімен және жаңа аттестаттау ережелер жобасымен танысты. Директордың ғылыми-әдістемелік жұмыс жөніндегі орынбасары А.О. Сарсембаева педагогтерді аттестаттаудан өткізу қағидалары және нәтижелеріне сәйкес біліктілік санаттарын беру (растау) ережелерімен таныстырып, бағалаудан өту ерекшеліктеріне, академиялық адалдықты қамтамасыз етудің маңызды шартына тоқталды. Жалпы педагогтерді аттестаттаудан өткізудің жаңа ережесі мұғалімдерді өмір бойы білім ала отырып, мемлекетіміздің болашағы үшін аянбай еңбек етуге шақырады. Педагогтерді аттестаттаудың жаңа ережелер жобасын мұқият талқылап болған соң, ұстаздарымыз өздерінде туындаған сұрақтарын қойды.
