Бүгін мектебімізге «Қазақ ұлттық қыздар педагогикалық университетінің» өкілдері келіп 80 жылдық тарихы бар университеттері жайлы 11-сынып оқитын қыздарға университетке түсу бойынша ақпарат айтып кетті. Қыздар институты құрылғаннан бастап университетті тамандаған мыңдаған маман иелері республикамыздың түкпір-түкпірінде ұстаздық және қоғамдық жұмыстарда, өнер мен мәдениет салаларында жемісті еңбек етуде. Қыздар университеті қазақ аруларының шамшырағына айналған, қазақ халқы сеніп тапсырған мыңдаған жандардың үкілі үміті. Университеттің студенттері жақсы оқумен қатар, әндері және билерімен үлкен сахналарды әуелетіп, спорттық жетістіктерімен әлемді таңғалдыруда. Білікті маман, мықты педагог, ұлт тәрбиелеуші жастар осы парасат мектебінен түлеп ұшады. Мектебіміздің 11-сынып қыздарына университеттің мамандықтары, студенттік клубтары жайлы ақпарат берілді. Оқушылар өздерін толғандыратын сұрақтарын қойып сұрақтарына керекті жауаптарын алды.
