2023 жылдың 9 қарашасы күні “Педагогикалық идеялар панорамасы” атты республикалық конкурсының облыстық кезеңінің жеңімпаздары марапатталды. Конкурстың мақсаты- пәнаралық негізде білім алушылардың функционалдық сауаттылығын дамыту саласында педагогтардың өзара іс-қимылының заманауи педагогикалық тәжірибесі мен үздік практикаларын жалпылау және танымал ету. Конкурс он екі бағытты қамтиды.
Аталмыш сайысқа Қожаберген жырау атындағы №6 орта мектебінің ұстаздары Арайгүл Амантайқызы, Меруерт Серікқызы, Нұрбек Сансызбайұлы қаржылық сауаттылық бағытына қатысып, жүлделі ІІ орынға ие болды. Мектебіміздің ұстаздарын жеңістерімен құттықтап, шығармашылық табыстар тілейміз.