13 желтоқсан 2024 жылы мектебімізде «Жол картасы» жобасын жүзеге асыру аясында «Көшбасшылық және мектепті тиімді басқару» тақырыбында облыстық семинар өтті. Семинарға мектеп көшбасшылығы негізінде мектеп басшылары орынбасарларының инновациялық менеджмент саласындағы құзыреттілігін дамыту, мектепті тиімді басқару жолдарын көрсету мақсатында 10, 44,14,17, 40, 21, 26, 23, 24, 20 орта мектептерінің оқу орынбасарлары қатысты. Семинарды мектеп психологтары Акишева Айнур Ерболвона мен Исекова Маржан Казезовна «Мен көшбасшымын» атты психологиялық тренингтан бастаса, «Көшбасшылық пен менеджмент: Мектепті тиімді басқару жолдары қандай?» тақырыбында директордың оқу ісі жөніндегі орынбасары Коспаева Жадыра Абаевна сөз алды. «Көшбасшылық зертханасы: тиімді ету жолдары» тақырыбында мектеп директоры Ескалиева Айнагүл Жұмабекқызы өз іс-тәжірибесімен бөлісті. «Тәжірибедегі тәлімгерлік» жобасы туралы директордың ғылыми ісі жөніндегі орынбасары Муканова Меруерт Серікқызы сөз алды. Сонымен қатар шараға облыстық әдістемелік бірлестік орталығының әдіскері Ибраева Айдын Сериковна семинар бойынша өз пікірін білдірді. Семинар соңында жақсы басқарылған мектеп қана оқушылардың дамуына, мұғалімдердің кәсіби өсуіне және білім сапасының артуына ықпал етеді деген ой қалыптасты.
